Wiktenauer logo.png

Difference between revisions of "Page:Add. MS 39564 1r.jpg"

From Wiktenauer
Jump to navigation Jump to search
 
Page statusPage status
-
Not proofread
+
Proofread

Latest revision as of 17:43, 17 January 2017

This page has been proofread, but needs to be validated.

The ſirte fflorysh

A quartr fayre be fore you deliueryde wt an hande voydyng bake the ryght fote. Wyth an other quartr wt bothe hands. A Downe ryght ſtroke voydyng bake the lyfte fote standyng ſtyll play iij Rakys lythly Clevyng by thelbowes wt a quartr fayre be fore yow wyth both handys And ij qurters after wt ij turnes A downe ryght ſtroke voydyng bake the lyfte fote Styll ſtanding play ye fayde iij Rakes wt a quartr farye be fore yow And ij quarters after wt ij turnes. A downe ryght ſtroke ſettyng forth ye ryght fote as fore as ye lyffte wt a brokon foyne uppon the lyffte ſyde an other on ye ryght ſyde turnyng ye ſwerde undr ye ryght arme bryng hyt wt ye ſame ſyde wyth a brokyn foyne uppon ye leffte ſyde an other uppon the ryght ſyde turnyng yor ſwerde ſete the poynt ſoffte be fore yow uppon the grownde.

The ſeconde floryfh

A quartr fayre be fore you wt an hande Standyng styll sete in ye ryght loge wt a dragonys tayle then ſett the lyffte hande uppon ye ſwerde ſmytyng a quartr fayre be fore you wt an hande trnyng yor body ſete in youre ryght legge as fore as yor leffte bryngyng the poynte off the ſwerde ouer yor hede ſete hyt downe ſofftly before you uppon ye grwnde then Stonde styll pley youre Rakes uppon any ſyde as offte as ye wyll reſtyng uppon youre ryght arme then ſmyte A downe ryght stroke voydyng ye leffte legge bryngyng afft the ryght legge wt a rake lyffte uppe ye ſwerde ouer yor hede bryng forth ye ryght legge as fore as ye lyfte pley a brokyn foyne uppon any ſyde turnyng the ſwerde ouer the ryght arme ſettyng the poynte ſofftly be fore you on the grownde.

The layng downe off ye ſwerde

A pfur to hys face folowyng in wt the ryght legge wt a rake standyng styll ſmyte a quartr fayre before you wt an other after voydyng bake the ryght legge then ſmyte a downe ryght stroke voydyng bake the lyffte legge wt a rake folowyng in wt the ryght legge lyftyng up yor handys on yor ryght ſhulder turnyng A gayne ſete in youre ryght legge be fore youre lyffte ſofftley lay downe youre ſwerde.

The Firste Chace

A ſſull stroke a for foyne wt a quartr lythly delyvyde and yft hyt be tweys playde hyt wyll bryng you a gayn to yor grounde.

The Seconde Chace

A dowble rownde wyth a bake foyne and a quartr lyghtly delyvyde And hyt be tweys playde hyt wyll bryng you a gayne to yor ground.

The thyrde Chace

A dowble rownde forwarde an other bakwarde A downe ryght stroke voydyng bake ye lyffte legge a bake foyne voydyng bake the ryght legge folowyng In wyth the lyffte legge ſmyte a quartr bakewarde And yff hyt be tweys plade gyt wyll bryng you to yor grounde

The fourthe Chace callyd ye bowne foyne

A dowble rownde forwarde an other bakewarde a downe ryght ſtroke voydyng bake the lyffte legge A bake foyne wt a bowfoyne voydyng bake wt the ryght legge lythtly ſmyte a quarter.

The fyffte Chace callyd att ye rwondys

To doble rowndys forwarde and ther folowes Contrarye all to yon man and yff you play hyt a gayne hyt wyll bryng you to yor grounde

The sixte Chace callyd ye tublyng chace

To doble rownds forewarde wt as many bakewarde all uppon the lyffte fote lythtly delyveryde/ then tumble forewarde rounde as a ball that ys to ſay wythe a Down ryght stroke ſete forewarde the ryghte fote bryngyng the ſword ov youre hede voyde bake the lyffte fote wt an other downe ryght stroke folowyde wt the ryght fote then bryng bake the fame fote wt a bake foyne Sete In the lyffte fote and ſmyte back a qurter.

The sevyneth Chace

A full stroke a for foyne folowed wt a quartr pleyng a brokyn foyne uppon the ryght ſyde an other on the lyffte ſyde thruſte forth a for foyne folowyde wt ij quarters wt the ſayde broken foynes playde on every ſyde thruſte forthe a for foyne at hys face voydyng bake wythe ij quarters

The Eghte Chace callyde ye Fpryng

A full stroke a for foyne ſettyng forthe ye lyffte fote wt the lyffte hande ſmyte a ſpryng voydyng bake ye ſame fote wt a full ſtroke then pley a bake foyne wt an other ſpryng voydyng bake the lyffte fote wt a ffull ſtroke then voyde bake the ryght fote and play a doble foyne wt a ſpryng voydyng back ye left fote wythe a ffull Stroke pleyng an other Doble foyne wt a ſpryng voydyng bake ye lyffte fote wyth a full stroke and a bake foyne.

The ixth Chace callyd ye four poyntf

A Downe ryght stroke voydyng bake ye lyffte legge sodenly pley a rake folowede wyth ye ryght legge stondyng styll pley a quartr fayre be fore you then ſete In the lyffte legge and ſmyte bake a quartr.

The xth chace callyd the V poyntſ

A Downe ryght stroke voydyng bake the lyffte fote ſodenly pley a rake folowyd wyth ye ryght fote then voyde bake the lyffte legge wythe an other Downe ryght stroke and pley a bake foyne voydyng bake the ryght legge Steppe In wt ye lyffte legge and ſmyte bake a quarter.

The xith Chace callyd iij poyntſ

A Rake uppon ye ryght fyde ſtandyng styll ſmyte a quartr voydyng bake the ryghte legge ſtryke an other after.

The xijth chace callyd iii poyntſ ???? (??me)

A Downe ryght ſtroke voydyng bake wt the lyffte legge lythtly play a Rake folowede wyth the ryght legge then foyde bake the fame legge ſodenly play a quarter

The xiijth Callyde ye gettyng chace

A quartr fayre be fore you wt bothe handys ſtandyng ſtyll pley a pofer at hys face folowyng wt yor Rakys bakewarde ſmyte a ſpring turnyng wt a full ſtroke folowyng wt yor Rakes be fore you ſmyte a quarter turnyng youre body pley ij quarters all uppon ye lyffte fote

The fyrſte poynt of ye cownter

A profur at hys face ſtandyng ſtyll then ſett In ye ryght legge wt a rake and a quartr voydyng bake ye ſame legge wt an other quartr then voyde bake yor lyffte legge and ſtande at youre ſtoppe

The ſeconde Countyr callyd y full ſpring

A profor a rake wt a quartr an other voyde lythtly ſmyte a full ſpring ſettyng In ye ryght legge wt a quartr and an other voyde be at yor ſtoppe.

The thyrde Counter callyd ye ſhort ſpring wt a falling ſtroke

A profor a rake wt a quartr an other voyde ſtanding ſtyll a ſhorte ſpryng wt a fallyng ſtroke then ſet In the Ryght legge wt a quartr an other voyde and be at you Stoppe

The xxiith callyd the large profor wt a rabet ?? ye fore qurtr

A profer large standyng ſtyll lyghtly pley a rabett at hys legge lowe by ye grownde then lyghtly ſet in ye ryght legge wt a quartr and ſmyte hym to ye grownde then voyde bake the ſame legge and be at yor ſtoppe

The xxiiith callyd ye facyng wyth ye ſpryng

Also ſtondyng at yor Defence when yor Enemy be gynyth to Cum In wt A profor loke ſtedfaſtly In hys face and spuely ſett in your leffte legge Cros be fore your ryght legge lyghtly ſmytyng a full ſpryng at hys legge And then voyde a bake yor leffte lege and be att your ſtoppe. Other els ſett in the ryght wt a full quartr and an other voyde and be att youre Stopee.