Wiktenauer logo.png

Page:Cgm 3711 47r.jpg

From Wiktenauer
Jump to navigation Jump to search
This page needs to be proofread.

und mit dem nider truckhen schneid und zvuch dich damit ab

Das ist der text von den leger oder hutten

Vier leger allain
darum haltt und fleuch die gemain
ochs und pflug alber
vom tag sei dir nit vnmer

gloss merckh die vier leger das sind die vier hutten do du aus vechten solt die erst hutt haist der ochs da schick dich also mit stes mit dem lingken fuss for und haltt dem schwertt neben deiner Rechten seitten mit dem ghulz vor dem haupt das die kurz schneid gegen dir stand und im den ortt gegen dem gsicht

Item Zu deiner lingken seitten schick dich also in dem ochsen stand mit dem Rechten fus vor und haltt dein schwertt neben deiner lingken seitten mit dem ghulz vor dem haubtt das die lang schneid gegen dir stee und im mit dem ortt gegen dem gsicht das ist der ochs zu baiden seitten

Item die ander hutt die haist der pflug so schick dich also mit sez den lingken fuss vor und haltt dein schwertt mitt verkertten henden mit dem knopff undersich neben der Rechten seitten zu der huff und das die kurz schneid oben seÿ und der ortt gegen dem gsicht

Item zu der lingken seitten schick dich also in den pflug sez den Rechten fus vor und haltt das schwertt neben der lingken seitten mit dem knopff undersich der huff und das die lang schneid oben seÿ und der ortt im gegen dem gsicht das ist der pflug zu baidn Seitten

Item die dritt haist der alber da schick dich also mit sez den Rechten fus vor und halt dein schwert mit auff aufgege...kt.......en dem Rechten arm vor dir mit dem ortt spiz auff der erden und das