Wiktenauer logo.png

Page:Cod.10825 098r.png

From Wiktenauer
Jump to navigation Jump to search
This page contains changes which are not marked for translation.

This transcription is incomplete, or there was a problem when proofreading this page.

Der bogen vom baiden seiten

Item: so du mit dem zufechten zu dem ajann kompff, so schickh dich also Im den Bogen, stee mit deinnem rechten fuoos vor das die lang schneid oben gewendt der Ort gestrach gegen dem mann, Imdem volg mit deinnem lincken schenckel hinnach unnd haw Im von unnden zu seinnem rechten Elenbogen, versezt er dir das so trit mit deinnem rechten fuoss fur seinnem rechten Innwendig unnd haw Im oben nach seinnem haupt, Hawt er dir daim also oben ein und du auch gegen Im stesst inn dem bogen, so sez deinnem recthen schennckel zuruckh und haw dich inn die zwirch forst Im der haw versezt, indes trit mit deinnem rechten fuoss vorder hinnein und haw Im ein auf sein lincke seitten, versezt er dir das so volg mit deinnem lincken fuoss hinnach und stich Im zu dem gesicht, Sticht er dir dann also zu deinner gesicht, so sez das ab mit deiner langen schneid, Indes trit mit deinnem lincken fuoss hinnach und haw Im mit der zwirch zu seinnem rechten arm.