Wiktenauer logo.png

Page:Cod.10825 183v.png

From Wiktenauer
Jump to navigation Jump to search
This page contains changes which are not marked for translation.

This transcription is incomplete, or there was a problem when proofreading this page.

Ein oberer vnd ein vnderer Schnit.

Item wann Ir zusamen gond, so halt dich also mit disem stuck, Stand mit gleichen fuessen aufrecht, vnd halt dein Sichel in deiner rechte~ hand wol in der ho°ch mit gestracktem arm hinder deinem haubt, dein lingge auff deiner lingken hüff, In dem trit mit deinem rechten schenckel hinein, vnd schneid Im mit deiner Sichel nach seinem haubt, Schneidt er dir also oben zu, vnd du mit deinem rechten fuß gegen Im steest, vnnd heltst dein Sichel in deiner rechten hand neben deinem furgesetzten schenckel, dein lingke auff deiner linggen hüff, So gee auf mit deiner Sichel, nimb Im damit seinen schnit hinwegk auff dein rechte seite~ In dem volg mit deinem lingken schenckel hinnach, vnd schneid Im nach seinem rechten furgesetztenn schenckel, Schneidt er dir also vnden zu, So greiff Im mit deiner lingken hand außwendig Inn seinen rechten elnbogen, zeuch In damit zu dir, vnnd mit deiner Sichel setz Im an sein rechte achsel, schneid In damit zu der erden,