Wiktenauer logo.png

Page:Cod.44.A.8 088v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Oder slach Im zu° mit dem knopf zu° dem vorgesatzten elpogen

oder vnden zw° dem elpogen vnd das swert wider gefast peÿ der klingen vnd vnder das recht vchsen oder auf das knÿe

Item felt er dir in das swert in der mitt das geschicht gerñ von tzagkeit so zewnn ims rasch aus

Item felt er dir in die spitz so heb das swert vber das haubt vnd nym das swert in paide hende vnd ruck an dich vnd slach ÿm zw° der voderñ hant die er hat vor geseczt oder zu° der knÿepüg vnd begreif wider das swert mit der klingen vnd gelegt auf das knÿe ~

Das ist die vierd hu°t zu° kampf In harnasch

Nÿm das swert vnder das recht vchsen vnd gee an den mann mit an setzen vnd setz ÿm an · an das gesicht Wert ers so zuck oder setz Im an die drossel oder an die achsel oder vnder die vchsen vnd dring in also von dir hin vnd wenn du hast an gesatzt so lass in nicht ab kömen vnd wil er denn mi zu° dir mit slegen vnd mit dem knopf arbaitten so volg Im nach mit nach raisen vnd lass In nicht ab kömen so mag er weder geschlahen noch gestechñ wenn er wirt ÿm zu° kurtz das ist die kunst das wisse ~

Von an setzen

Merck alles das du wil an setzen das