Wiktenauer logo.png

Page:Cod.icon. 393 I 085r.jpg

From Wiktenauer
Jump to navigation Jump to search
This page has been proofread, but needs to be validated.

in humerum proximum, et si adversarius supernam nuditatem sauciare cupiat, tum brachiis cancellatis acerrime eius ictui obviam[1] ferias acie longa praemissa, verum quam primum enses coruscare mutuo coeperint, subito ensem torqueas, versus sinistrum latus ,inde brachiis sublatis, superiorem nuditatem fodias, at si fodere nolueris, quod facere tuo arbitratu licebit, tum ensium coruscare facta, acie brevi caput atque alias corporis partes sauciare conaberis.

Ictus Curvus Sit porrectus, indeque transmutationis ne obliviscaris.

Hic habitus contra custodia ex furore bovis formata est, eum igitur hac ratione usurpato. Si in adversarii conspectu fueris progressus, et is in praedicta consistat custodia, et ensem teneat in latere sinistro ante humerum dextrum tuum, tu simulato, quasi ex ictu curvo ensem contingere velis adversarii ex primi congressus habitu, verum ictus non sit porrectior, inde autem transmutabis inferne, atque mucronem longiorem in alterum latus contra nuditatem impellito, ea ratione hostis cogetur impetum excipere, atque inde exercere habitus et ictus quoscunque voles.

Alia Coutela vel usus ictus Curvi

Cum hoc ictu uteris, semper adversario te nudum exhibere necesse est, atque hoc inde percipito. Si eum ictum ex latere dexto ferias tuo, vel ensem eius con

  1. corrected from 'obivam'