Wiktenauer logo.png

Page:MS 26-232 16v.png

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

16 Item so einer auf dir ligt und sich fast hinter sich schwert, daz du nit auf magst und auch zu keinem stück noch pruch kumen magst, so fas(s) in mit einer hant pey einem finger oder daumen und prich im den aus dem glid. So dich einer also fas(s)t, so greif in mit deiner ledigen hant an seinen arm foren an das glenk oder pey dem glenck und ke(h)r dich von im um und zeuch im den arm über die agsell, als hy stett und prich im den arm entzwei; wil(ls)t (d)u’s brechen, so zeuch hinder sich.

17 Item so einer mit dir ringt aus langen armen, so prich aus mit der rechten hant und ge ein weil mit im um, ubering so far im ein mit deinem haubt durch seinen arm und ker dich wol von im um, als hie stett, und würf in über daz haubt. Und du daz p(e)hendiglich, daz er dich nit zuruck zieh und dich nit hinder trete. D. g. z. p. s.

18 Item so du mit einem ringst in langen armen, so prich im aus mit deinem rechten arm und ge einweil mit im um und geh mit im hin und her in schterck(e) und übering so ker dich von im um und zeu(ch) im seinen rechten arm auff dein rechte agsel und greif zu mit deiner rechten hant im forn in daz glenck, als hy stett. Daz gett zu beden seiten, also wurf in.