Wiktenauer logo.png

Page:MS A.4º.2 18r.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Merck so er dich mit krumb wolt ihrn
Am schwert recht bleib den krieg thu firn
Mit winden, schneiden und was mehr
Mit verfligen, laß dich nicht zu fer.

Disser reim lernt dich wie du dich gegen eim der dir krumb ahn dein schwert bind halten solt und meldet zwey stuck dar zu füglich, nemblich die bleiben und den krieg. Das ist wan dir einer an dein schwerdt bindt krump so soltu nicht bald abzucken, sonder bleiben, und alda fullen was dir fur arbeit nöttig, als wan er abging nachreissen.

Item so er bleibt winden, dan die winden und schneiden ausreissen verkheren, heist der krig, damit alzeit einer dem andern seine stuck bricht und eins auß dem andern volgt oder hilft, als wan er dir eins wert, damit dich gleich ver uhrsachet oder hilfft zum andern stuck das dem füglich nachvolgt, und also kriegen umb das. Derhalben merck wan dir einer mit krumbhewen zuficht, das du gahr nicht verfligen solt lassen von einer bloß zur andern, dan als baldt du von krump abghst,[1] bistu ihm gantz bloß, wo er in recht thutt.

Stuck

Hawt einer ein krumphaw uff dich von seiner rechten so setz ihm den haw mit langer schneidt ubersich ab, von dir, und in dem es glitscht, so bleib ahn seiner klingen mit dem band winde indes dein knopf ubersich gegen seiner lincken und die klingen undersich gegen seiner lincken, die kurtz schneid an sein linck ohr, das alles sol gleich in eim zugehen, so triffest gewiß, ist er aber so gescheid und verwend den krumphaw in das lang orth, so

  1. The “h” is writen above a “e”.