Nachreissen[1]
Vom Schwerdt zu leib damit verkher
Zwey mol oder schneidt in die wehr,
Das ist die recht glosse uber den vorigen reim, das er aber sagt zwey mol oder schneidt in die wehr, das versthe also, wan du vom schwertt uff sein arm schneidest, soltu alß baldt verkeren, entwuscht er dir dan ubersich, so soltu dein knopf under deinem arm wider herfur ziehen oder winden, so khert sich dein schwert wider umb, in die wehr schneiden[2] ist wan dir das zweymol verkheren gefelt, soltu zweifach noch reissen, mit dem schnidt uff den armen bleuben, wert er das so fal seiner klingen zu mit dem schnidt, und schaw das du ihm die erhaltest, laß ihn ohn dein vortheil nicht abkhommen, sonder reisse alweg nach
Nachreissen ist auch außbundig guth
Mit schneiden wenden dich behutt
Nachreissen ist viel und mancherley und gehortt zu treiben mitt grosser fursichtigkeit gegen den fechtern, die auß langen und
