Wiktenauer logo.png

Page:MS A.4º.2 31r.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

freyen hewen fechten, und doch von rechter khunst nicht haltenn die treib also wan du in zufechten zu ihm kommest, mitt dem lincken fuß vor dein schwerdt in tag, hawt er uff dich von oben lang zu deinem kopf, so versetze in nit sondern schaw wie du ihm entpfallest mit dem kopf und schwert, das er der keines rirt, laß ihn also verfellen, in dem er mit seim schwert und haw undersich felt zu der erden, so thrit behendt mit dem rechten fuß bey ihn, und haw ihm lustiglich oben hinein zum kopf, ehe er sich erholtt oder wider ubersich kompt fehrt er aber behendt ubersich und versetzt, so bleib hart uff seim schwerdt, und fülle ob er starck uber sich tring, so laß dein schwerdt ubersich leiß ausgehen, thritt und schlag mit der zwirch umb zu seiner rechten. ¶

Item bindet einer uff dich von seiner rechten, so hab acht wan er umbschlecht, so volg ihm mit dem schnit nach uff sein arm zu seiner rechten. ¶