Wiktenauer logo.png

Page:MS A.4º.2 70v.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

Item schneid ihm sein haw oder stich von deiner rechten gegen deiner Lincken mit langer schneid auß wie vor, und laß dein wehr neben deiner Lincken seitten durch fur uber lauffen, das die kling neben deiner lincken seitten wider umbschnapp in lincken Ochsen von danen stich uber die handt mit einem außtritt beseits uff dein lincken, zu seim gesicht, das du in langen orth standest von danen schneid wider in die nebenhutt oder aber wechsel

Item sthestu in der nebenhutt wie vor, so schneid ihm sein stich oder haw von deiner rechten gegen deiner lincken wie vor, und verwende dein wehr neben deiner lincken in wechsel das die lang schneidt[1]

Indes ehe er sich von dem abschnit wider erhollet, so haw mit einem wehr sthreich uber halb seinem wehr dem man durch sein handt oder arm und Im haw spring wol uff sein linck seitten mit hinder thritten, so kompst wider in die nebenhutt zur rechten

Item schneidt ihm sein stich oder haw zur rechten ab wie vor, und laß dein kling neben deiner lincken zu ruck durchlauffen und uberschnappen drawe ihm den stich uber die hand, zuck wider umb den kopf, und haw ihm auswendig zu seinem rechten schenckel[2] durch, so khommestu

In die Nebenhutt, von danen schneidt, oder dempft wider von dir weg

  1. Right of this place a large blank space remains until the end of the line.
  2. The written put a "n" between sch and enckel and canceled it.