Item nim auß wie uor und laß umb dein haubt faren und haw ihm zu seinem furgesetzten inwendigem schenckel, so khommestu wider in lincken wechsel sticht oder hawt er ferner so setz ab mit langer schneid oder schneidt ihm durch sein wehr von deiner lincken durchs kreutz wider hinein zu seinem gesicht
Item sthestu also in der Nebenhutt sticht er dan so nim auß mitt verhengen und laß umb den kopf faren und haw ihm inwendig zu seinem leib von deiner rechten
Item sthestu also in der Nebenhutt so nim auß mit verhengenn und stich uber die handt zum gesicht
Item nim auß mit verhengen und traw ihm den stich uber die handt zuck wider umb und haw Auswendig zu seinem rechten schenckel
Item sthestu in disser hutt, so dempfe sein hergebrachten stich oder haw oben uff sein wehr, haw oder stich lang nach
Item schneidt mit langer schneid von dir wegk und haw wider durchs kreutz hinein oder mach den fligenden stich lang nach,
