EIn [?]lich Ringen aus armen wen dw mit aim gefast hast In die arm / so sich Im auf die fuss welhen er fursetzt da stoss in auff ab dem knie mit deim fuss mit voller macht zuckt er dir das pain / so stoss In auf das ander bis dw In recht drifst. So stost dw Im das glid aus vnd felt den
- HIe hebt sich an von des ringes zu fussen ein mortlich ringen auf baid seiten / wen dw gen aim gest so ergreiff sein lincke handt mit dein paiden henden vnd wurff dich vmb vnd prich Im den arm ab vber dein rechte achssell
Auch zuck in aber mit deiner Rechten handt bey seiner rechten handt fast fur sich auf ein seiten vnd in dem zucken schlah in an den arm bey dem ellenpogen mit der lincken handt So schlehstw Im den arm aus dem glid ist er aber kranck vnd schlegstw fast So pricht er Im
