Item versetzt er den haw, so treib das Sunnen zaigen mit dem schwert, unnder den kinpacken
Item haw Im aber ain Uberhaw zu dem kopff fert er hoch auf mit der versatzunng, so far mit deinnem gehultz unnder seinnen Elenpogen, unnd mit dem rechten fuoß far unnder seinne stechklaider unnd stoß oben mit dem gehultz unnd heb unnden mit dem fuoß, so fellt er.
Contra
Item versetzt er dir den uberhawe mit der wer, so far hoch auf mit Deinner rechten hannd unnd henng Im den Ort uber sein schwert, zu seinem gesicht oder der prust unnd setz Im an.
Item wenn Er dir versetzt mit der zwerch So far hoch auf mit deinner rechten hannd unnd far Im mit dem schwert durch seinnen Rechten Arm unnd begreiff Im sein arm mit deinnem unnd Reitt fur dich, so nimbst du Im das schwert. das lert die Viert figur
