Item Reijtt ainer auf dich mit der Gleven, unnd an welcher seitten er dir will ansetzen da winnd gegen Im mit dem schwert an sein gleven als vor unnd stich Im zu dem gesicht oder wa du Im magst gehaben.
Figura
Das leert die Achent Figur die spricht winnd Inn die rechten hannd setz Im den rechten ort zu dem gesicht, unnd das ist, das du sollt alweg winnden mit dem schwert zu roß auß der hut, es seij gogen der gleven oder gegen dem schwertt, unnd Indas den man stechen zu der plösse.
Item wenn du Im allso zu der plosse stichst Wehrt er dir dann den stich unnd kompt nachent an dich, so begreiff Im sein rechte hannd, mit deinner linncken, unnd treib die Rinngen, die vor und nach geschriben steen.
