Bruch
Merck hie Leert Eer wie man das Sunnen zaigen brechen soll, unnd der prauch Ist mer dann ainner, unnd send auf schwach unnd starckh lewt.
Item kumpt ainner Mitt seinner rechten seitten ann dein rechten, unnd ist starckh, unnd will dich werffen mit dem Sunnen zaigen, unnd wann er dir greifft mit seinner rechten hannd an dein kinpacken. ~ So schlag dein rechten arm oben uber sein rechten unnd truckh In fast ann dein prust unnd leg dich mit dem leib darauf unnd reit fur dich, so wirfstu ~ In.
Item kumpt Er mit seiner linncken seitten, an dein rechte unnd hatt begriffen deinen lingArm mit seiner lincken hannd, so wennd dich gogen Im unnd far gerichts Innwendig auf mit deinnem rechten arm, unnd truck In hinden mit der sterckh deinnes Armes seinnen arm hinweckh, unnd schlag damit den arm, uber den seinnen, unnd reitt fur dich
