Wiktenauer logo.png

Page:MS M.I.29 094r.jpg

From Wiktenauer
Jump to navigation Jump to search
This page contains changes which are not marked for translation.

This page has been proofread, but needs to be validated.

vnd druck syn lincken hant woll in dyn rechten syten vnd schwing dich mit dem lieb wol vff dyn rechte syten vnd wurff In vber dyn lincken peind fur dich

Item Aber eyn bruch so er dich mit dem hals hat als vor so nym dyn rechte hant vnd far do mit vff synes messers klingen vff zwuschen syn beyde hende nahent zu syner lincken vnd riß starck andich vff syn rechte syten Indes wurtt er dz kloß gewar lidig vor dem hals Indes begriff mit dyner lincken hant vber syn rechte indas gehultz vnd riß hinder dich vff dyn recht syten so nÿmpstu ym dz messer etc ~

Item ob du dz messer nemen machen willt so soltu allbegen in die schwech dyns messers fallen mit dyner rechten hant ~

Item eyn anders schub In von dir mit diner lincken hant vnd nym dz gewiecht by dem elnbogen vnd griff im vorn mit der rechten hant syn rechte vnd schrit mit dynem lincken fus fur synen rechten

Item Aber eyn bruch schub In starck von dir mit synem elnbogen mit dyner lincken hant