dir mit dem ortt vnter din arm durch geen Indes wind gegem Im vff sin rechten siten dein messer an dz sin dz die lang schnid oben ste vnd stich im oben zu dem gesicht also kan er zu dem obgemelt stuck nit kümen ~ ~
Item aber eyn bruch vff dz vber durch stechen vnd merck die will er vntter dim arm vnten durch stechen will vnd d will er nider noch der mit sines messers wil griffen Indes far vff mit dem gehultz vnd fal zue gewoppenter hant vnd setz im den ortt an sin kellen dz soltu also schnell machen ~ ~
Item oder leg im din messer an sin hals vff siner lincken siten zu gewoppenter hant die schwech des messers vnd drueck im den elnbogen wol vnter sin drossell vnd thun als vor vntericht pist ~~
Item Aber eyn bruch So er durch stechen will in dem dlbil er din messer nider druck Indes far vff mit dem gehultz vnd haulb oder schnidt im durch den hals vff siner lincken siten vnd dz get als lichlich zu dem der eß recht triben kan ~
