Item Wer dir mit dem knaupff will faren in die knÿebug dem griff mit diner lincken hant hintter sin lincke hant bÿ dem arm vnd griff mit diner rechten von vnten auff ÿm an den elnbogen vnd das din finger oben sten so wuerfftü ÿnauff daz antlutz
Die vierde stuck
Item Wen dü ÿm Inwendig zu dem gesicht stichest vnd er dir wider so gang oben auff sin swertt vnd begriff sin schwertt py der clingen in die hant vnd setz Indes den ort an vnter sin lincke vchsen Wertt er dir daß vnd begrifft din swertt auch als du das syn hast so arbeÿtt auß eynem riessen als hernach geschriben statt ~
Das erst reissen
Item Stich Im Inwendig zu sinem gesicht vnd wind aber mit dem knaupff auff din lincke siten von vnden auff vber sin clingen zwischen siner hant / reisß aber vast an dich stich ÿm zü synem gemecht wertt er dir dz vnd fach dir dz schwert vnd du daß sin dz beÿd swert gefangen syn So würff din swert mit dem knaupff ym In sin rechte siten vnd spring mit dinem rechten peyn vnder sin linckes vnd nÿm den rueck vnd heb ÿn hoch auff von der erden vnd schlag In mit dinem rechten fuß außwendig an / an sinen rechten enckel vnd wurff ÿn auff sin rechte syten ~
Sequitur das ander riessen
