werckh, vnd legs jn ein frisch wasser. biß das wasser das werckh wol durch gehe. vnnd stoß dann den huff vol des wasser werkhs. vnd ein klains spreiczel darfür, vnnd laß die nacht darauff stö[n]
Item wildtu einem Roß ein andere varb machen. so nymb porkhs plut. vnd schern pluet halb als vil. vnd welsch nuß schalen dürz oder grun vnd prenten vsel von haberstro vnd Maissen millich vnd mentschen harm.vnd paumb Öll .. oder leinöl vnd starckhen essich. vnd nym jeglichs gleich. vnd seud das lang vnd vast vnder einander. darnach zerstoß es in einem mörser vast. vnd darnach druch es durch ein leinis tuch. vnd seud das wasser ander waid mit vil Alauns. vnd halt das wasser in einem Glesern(n) oder kupffern väß wol bedeckht. vnd lass es stan an der sonnen. biß ander vierdten tag. wenn du dem ein Roß oder ain annder thier verben wildt. so welle das wasser. vnnd wenn es lab sey. so dauch ein saubers leilchen oder tuch darein vnd schlach das tästlot mit den henden hin vnd her auff dem Roß. so entferbt es sich vber nacht. vnd ye mer man dieselbig farb mit wasser wäscht ye schener sy wirdt vnd vergeet nit. sy werd dann mit gesottem pan waasser bewaschen. oder mit safft von gruenem grabs offt gewaschen.
Item wildtu die schern dar zu vachen. so nym einen grosse(n) hafen. vnd thue gar saur holz opffell darein. vnd grab jn ein jn ein wisen. da schern sein. vnd deckh einen dick
