Wiktenauer logo.png

Page:Reichsstadt "Schätze" Nr. 82 103v.jpg

From Wiktenauer
Jump to navigation Jump to search
This page contains changes which are not marked for translation.

This page needs to be proofread.

Item wildtu ain Roß vaist machen. sy sein alt oder jung. jn sechs wochen. so nymb jm mörczen die gipffel ab den jannen von feuchten vnd seiber die. vnnd laß derren vff ainer pin. vnd gibs dann dem Roß an einem gsod als vil als des gesods ist. vnnd laß ein weil daran stenn. vnd seichs dann ab. vnnd misch jm ein wenig kleiben vnd salz daran. vnd laß essen. vnd salz jm des hey ein wenig. so wirdt es vaist.

Item wenn ein pferd das augschwer hat. so nym ain gute hafners laym. vnnd drey ayr dotter. die gar herrt seind gesotten. vnd ein gutes resch salcz. als zwway ayr totter vnd knet es mit den hennden vndereinander. vnnd macht darauß ein kuechlin. vnd pind es dem pferdt vber die augen. vnd binds das es sich nicht reiben mag. so reucht jm da aytter auß. vnd wirdt gar gut frisch augen. vnnd thue das offt vnd mach daraußen pflast(er) das hilfft auch die pferdt. die da dunckel augen haben. sy werden davon gar schön vndd liecht.

Item welliches pferd khelsichtig ist. so nym das weyß wol von zwelff ayrn. vnd ein vierding weyrach wol gestossen vnd temperier das wol mit einem Leffel vnd dass weiß. vnd schach es wol. vnnd nymb auch darzu ein halb pfund paumöll. vnd klopff es wol zusamen. vnd geuß dem pferd in den halß vnd pind es wol auff mit dem maul. so wirdt es ausprechen. vnd davonn fliessen. so wirdt es gesundt. vnd thue es dreymal jm tag nacheinadner