Wiktenauer logo.png

Page:Cod.10825 097r.png

From Wiktenauer
Jump to: navigation, search
This page contains changes which are not marked for translation.

This transcription is incomplete, or there was a problem when proofreading this page.

Der zornhaw gogen dem schaitler

Item: wann du mit zufechten in dem mann geest, so stee mit deinnem lincken fuoss vor unnd schickh dich also mit dem zornhaw, hallt dein duseggen mit gestracktem Arm ob deinnem haupt deinner rechten seitten das der Ort zuruck hang unnd haw Im mit dem zorenhaw zu seinner lincken seitten kopfe, Indes volg mit deinnem rechten fuoss hinnach und stich im zu seiner rechten seitten seines gesichts. Sticht er dir also nach deinnem gesicht und du mit deinnem lincken fuoss vor steest im dem schaitler, so setz Im den stich ab mit deinner lanngen schneiden und volg mit deinnem rechten schennkel hinnach, indes haw Im zu seiner lincken seiten seines kopf, versezt er dir das, so spring mit deinnem lincken fuoss fur seinen rechten und haw Im mit lannger schneid zu seinnem haupt, Hawt her dir dann also oben lanngen, so trit mit deinnem lincken schennckel hinein und versez Im dem haw, Indes haw zu Im mit ainem unnderhaw von deinner rechten zu seinner linncken seiten.