Wiktenauer logo.png

Page:Cod.10825 103v.png

From Wiktenauer
Jump to: navigation, search
This page contains changes which are not marked for translation.

This transcription is incomplete, or there was a problem when proofreading this page.

Ein unnderer schnit mit ainnem Zwerchhaw

Item: schich dich allso mit dem zufechten Inn den unndern schnit stee mit deinnem lincken fuoss vor unnd thusam woltest du Im oben einhawen, Indes greiff mit deinner lincken hannd vornen Inn den duseggen und wind dich In den unndern schnit nach seinnem rechten arm, stastu dann gegen Im mit deinnem lincken fuoss vor Inn dem zwirchhaw unnd Er dir also nach deinnem rechten Arm schneidt, so wind dich mit deinnem duseggen uber den seinnen unnd reuss damit an dich so hastu Im den schnit prochen unnd magst In schneiden, begert er dir das zu versezen, so trit mit deinnem linncken schenckel zuruck unnd stich Im nach seinem gesicht, Sticht er dir dann also nach deinnem gesicht, so verscheub Im das mit dem pogen, trit mit deinnem rechten fuoss hinnach unnd haw Im nach seinner lincken seitten, versezt er dir das, so trit mit deinnem rechten fuoss zuruck und haw Im die zwirch nach seinnem rechten Arm, hawt er dir also zu deinner rechten seitten, so rais Im mit deinnem lincken fuoss nach und haw Im von unnden nach seinnem rechten Elenpogen, versezt er dir das, so lass Indes behennd ablauffen und haw Im oben nach seinnem rechten arm.