Wiktenauer logo.png

Page:Cod.10825 104v.png

From Wiktenauer
Jump to: navigation, search
This page contains changes which are not marked for translation.

This transcription is incomplete, or there was a problem when proofreading this page.

Ein zornhaw gogen ainem obern schnit

Item: schich dich Also mit dem zornhaw trit mit deinnem rechten fuoss hinein unnd haw Im gewaltig oben ein zu seinnem haupt, hawt Er dir also zornig oben ein, so trit mit deinnem rechten fuoss Innwendig fur seinnen rechten unnd greiff mit deiner lincken hannd Inn der mit Inn den duseggen unnd sez Im unden an sein rechten hand, so kompt Im dein gehultz auf sein haupt, Indes schneid oben fast von dir unnd zeuch mit deinnem rechten fuoss unden zu dir so schneidstu in zu der Erden, hat er dir also unnden unnd oben angesezt und begert dich zu der Erden zu schneiden, so trit mit deinnem rechten fuoss zuruck und haw oben starckn nach seinnem lincken arm, so wirstu der ansezen ledig winnden und oben, wirst er dir dann furbas nach, so haw dich von unnden In die zwirch nach seinnem rechten arm, zwircht er dir dann also nach deinner rechten seitten, so trit mit deinnem lincken fuoss hinein und versez Im das mit deinner lanngen schneid und haw Im mit ainnem zwifachen feler nach seinnem haupt, begert Er dich allso oben zu versiern, so greiff Indes mit deinner lincken hand nach seinner rechten unnd gee mit deinnem duseggen auf uber dein haupt Inn die zwerch, so hastu Im das vor abgenomen.