Wiktenauer logo.png

Page:Cod.10825 185r.png

From Wiktenauer
Jump to: navigation, search
This page contains changes which are not marked for translation.

This transcription is incomplete, or there was a problem when proofreading this page.


Ein oberer vnd ein vnderer Schnit mit Iren abnemen.

Item halt dich also mit disem stuck, Wann Ir zusamen gond, stand mit deinem lingken fuß vor, vnd halt dein Sichel in deiner rechten hand in der ho°ch gegen dem Mann, vnd schneid Im damit nach seinem haubt, Schneidt er dir also oben zu, vnd du auch mit deinem linggen fuß gegen Im steest, vnd heltst dein Sichel auch in deiner rechte~ hand gegen dem Mann in ainem vndern schnit, So fall Im mit deiner lingg~ hand vornen in seinen rechten arm, heb den damit wol ubersich, so nimbst du Im seinen obern schnit hinwegk, In dem schneid Im mit deiner Sichel nach seinem linggen furgesetzten schenckel seiner kniebug, Schneidt er dir also vnden zu, so fall Im mit deiner linggen hand Inwendig auff seinen rechte~ elnbog~, truck damit starck von dir, so nimbst du Im seinen schnit hinwegk, In dem zuck dein rechte hannd behend an dich vnd schneid Im nach seinem rechten arm, trit damit von Im zurugk,