hab vnd leg es mit der klingen auf deinen lincken arm~
Das ist die ander hu°t
Wenn dw sitzt auf dem ross so halt dein swert mit der rechten hant auf deiner rechten seitten hoch über dem haubt vnd heng Im den ort gegen dem gesicht
Das ist die dritt hu°t
Wenn du sitzt auf dem ross so halt dein swert mit der rechten hant neben deinem rechten pein vnd das der ort vber sich gegen dem mann stee
Das ist die vierd hu°t
Wenn dw sitzt auff dem ross so halt dein swert Inn der rechtñ hannt vnd setz den knopf an den satel pogen vnd das der ort gegen dem mann
Das ist dÿe fünft hu°t
Wenn du sitzt auf dem ross so halt dein swert mit der rechten hannt pei der hanthab vnd mit der lincken greiff mittñ In die klingen vnd hald es für dir twerchs auff dem satel
Hie merck den text vnd die glos von dem taschenn
·Ob es sich vor wandelt
Das swert gegen swert wirt gehandelt
Recht vaß die sterck
Taschñ haw° du süch vñ merck
Glosa Merck das ist Ob ir paide werdt kömen von den glefen vnd solt vechten mit swerten So merck wenn dw zu° Im reittest das dw dein swert legst auf den lincken arm~ in die hu°t vnd reÿt ÿm geleich vnder augen zw° seiner rechtenn seitten Haut er dann auff dich oder sticht
