vnd reitt do mit nahent an dich So begreiff sein rechte hant mit deiner lincken vnd mit der rechten setz Im den ort in das gesicht
Das lert die acht figur Die spricht also wend Im die recht hant setz den ort zu° den augen sein ~
Aber ein guet stuck
Merck wenn du Im oben ein haust vorsetzt er vnd kumpt da mit nahen an dich So var Im mit dem gehültz deines swertz vnder den kÿnpacken vnd mit der lincken hant begreif in auf seiner lincken seittñ peÿ dem eÿsenhuet Oder peÿ dem kopff vnd zeuch yn do mit zw° dir vnd mit dem gehültz stös In oben von dir so velt er vom ross
Aber ein ringen
Merck wenn dw Im oben ein haust vor setzt er hoch vnd chumpt do mit nahent an dich So var ÿm mit dem gehültz deins swertzs vnderñ den arm~ hinder seine~ elpogen vnd stos oben von dir vnd var mit dem rechten fuess vnder seinen rechten vnd heb do mit auf So So velt er vom ross
Das ist aber ein stuck
Merck wenn dw Im oben ein haust vor setzt er den haw mit der twer So var hoch auff mit dem swert vnd heng ym den ort zu° dem gesicht vber sein swert vnd setz ÿm an
·Oder
wenn du ym den ort vber sein swert gehangen hast chu~pt er dann do mit nahent an dich So var
