Das sibent stuck
Merck wenn du stest in der vnderñ hu°t So stich ÿm starck dar aus Innwendig zw° dem gesicht Vor setzt er so zuck durch vnd stich ym aus wendig zw dem gesicht Vor setzt er fürpas vnd druckt dir den ort auf dein lincke seitten So trit zw° ÿm vnd stos ym mit dem gehültz vnder sein linckes vchsen vnd var ym mit dem voderñ tail durch zwischen seine pain vñ heb mit dem swert sein linckes pain In der knyeknel vast übersich auf mit der lincken hant vnd mit der rechten stos Im oben mit dem gehültz vast von dir So felt er
Also prich das stuck
Merck wenn er dir mit dem voderñ tail seins swertz voren zwischen die pain fert In dein lincke knÿbel vnd heb do mit auf So begreif mit der lincken hant sein rechten elpogen vnd stos in do mit von dir
Das ist ein anders stuck
Wenn dw Im mit der lincken hant sein rechten elpogen begreiffen hast So begreif mit der rechten sein rechten arm~ vorñ peÿ der hant vnd treib den arm~ pruch vnd würff in für dich ~
Das acht stuck
Stich ÿm aus der vnderñ hu°t auswendig zw dem gesicht vorsetzt er den
