des gewar und wie in verschiben, so magstu mit dem rechten fu°eß zu im tritt hinder nach in den schlag in durch den kopf und als of[missing] du von ainer seitten haust oder sticht, so wir al mal mit dem fuess hin nach von rechten seittn du dem straich oder stich fürrest.
11. Item so du mit dem pogen dar kumbst von der linckhen seitten und sein haw in des far mit dem Kurtz ort yber sein messer In sein glinckh und komb mit dem linckhen hand der Rechten Zūhilff und greif in dein Ruckh deiner meßers und darnach und nider, wider im in sein glanckh und reis auff die rechten seittn so nimbstu im sein messer.
Von der rechten seitten
12. Item so du mit dem Zūfechten zū dem man kumbst so haw dich einmal oder zweir und ab von der ???? und kom du mit dem hals auf die erden kommen bist, so wirf den kurtz ort in des dritt mit der rechtn fueß für und schlag in durch dem kopf oder nach dem arm dupplier und merckh eben als off du ein haw nach ain rhur so pleib Im almal ain bogen für nach wißen, komst er dir darauff so magstu arbaitt ers du nutzlich ist.
13. Item wann du dich von der rechten seittn auf und ab haust, dan so du von und aufhau°hst in das haw mit der kromp versatzung auff, haut er das von oben auff dich nach dem kopf oder zu der bloß deiner linckhen seittn, wirfstu daß hauws gewar so haw in das von unden auf oder nach der zwerch im nach dem arm und so schlagstu in hart und lamst im dem arm.
