Wiktenauer logo.png

Page:Hn 236 35v.jpg

From Wiktenauer
Jump to: navigation, search
This page needs to be proofread.


La tierce pieche hors le coup en change

Venez du senestre costre hors du bouclie en hault sur son espee et puis frappez du senestre coste apres sa teste, & tournez tout nud, & luy boutez apres son visaige, sil leve a tout le bouclie et lespee: et sil le defend lors frappez a tout le long taillon apres sa droicte gambe, cela va aussi a deux costez

La quatriesme pieche hors le moyen coup

Faictes la deffence a deux costez, & le demy train a tout le long taillon, & luy boutez dessoubz apres les genitaires

La cinquiesme pieche

Faictes comme si luy vouldriez bouter apres le senestre coste aultre son bouclie, & entrez a tout vostre debout ou pointe par dessoubz parmy, & luy boutez par son visaige apres le ventre, & en cela tournez vous iuz sur vostre senestre coste & sil defende cela, lors prenz sa droicte gambe a tout le long taillon

La sixiesme pieche

Prenez vostre alumelle a vostre bouclie en la senestre main, et defendez contre luy, sil frappe ou boute deseur apres vostre visaige ou dessoubz apres la gambe, ostez vostre main droicte de vostre espee, & le remectez a tout le bouclie & lespee, & prenez a tout vostre droicte mains son bouclie bien bas, & lefforcez sur vostre droicte coste & ainsi le luy prendrez.

Imprime en la ville danvers par moy Guillame Vorsterman demourant a la Lycorne dor. Lan Mil cincq cens et xxxviii.