Item hab acht wan er dir unden zu sticht in dem er sein hand aufreckt zum stich so haw ihm zur handt durch und stich ihm zum gesicht ¶
Wil der gegen man nicht angreiffen
Merck wan dir einer in wechsel begegnet zu seiner Lincken und du Im Ochsen sthest haw von deiner rechten von unden, durch sein linck zum gesicht, das dein wehr umblaufft in lincken Ochsen indes nim mit halber schneid auß undersich gegen deiner rechten seytten durch das dein wehr umblaufft in rechten Ochsen und stich ihm zum gesicht. ¶
Item trit mit der lincken zu ihm und stich vor ihm fehl auswendig dein lincken schenckel durch, das dein wehr in lincken Ochsen khom nim mit halber schneid auß gegen deiner rechten seitten durch, das dein Rappier wider in rechten Ochsen khom, und stich in zum gesicht haw ihm als dhan auswendig zum rechten schenckel. ¶
Item sthestu in Ochsen, sticht dir einer zu deiner rechten, so tritt mitt dem lincken fuß auß seinem uff streich uff sein rechte
