Von vber lauff dy außrichtu~g
~Wer vndenn remet
vberlauff den der wirt beschemet
wenn eß gliczet obenn
so sterck das ger ich lobñ
dein ayrbayt mach
oder hertt truck czwiuach
leren abseczenn
hawe stich chunstiglichenn leczenn
wer auff dich bindet sticht
dein ort trifft vnd seine~ bricht
von beydenn seyten
triff alle mal wildu streÿtenn
Das ist võ durch wechsel dy außrichtu~g
Durch wechsel lere
võ paydenn seytenn stich mit sere
wer auff dich bindet
durch wechslñ in schier vindet
Das ist võ zuckenn dy außrichtu~g
Trit nahent In bunde
das czuckenn geyt gut funde
Zuck triff er zuck mer
ayrbeyt er vindet das thu°t Im we
czuck alle treffñ
den meistern wiltu effen
Das ist võ Durch lauffung dy außrichtu~g
Truckdurch//lauffñ
laß hangenn mit dem knopff greÿff wiltu ringñ
wer gege~ dir sterckt
durch wechslñ damit merck ~
Das ist võ ab sneydenn dÿe außrichtu~g
Sneyd ab dy hertt
võ vnde~ In beyden gevert
vier sint der snit
czwen vnd czwen obñ mit
Das ist võ hent truckñ dy außrichtu~g
Den snyt wint
zu slahñ truck dÿe hant
Das ist võ czweÿen henge~ dy außrichtu~g
Czweÿ hengñ werdenn
auß einer hant võ der erdenn
In allem gevert
haw stich leger weich oder hertt
