Haw drein nit zuckh
Von schaiden Linck Im zuruckh
Greyff In sein rechten
So fachstu In on fechten
Item Ob Ir baid Inn dem anreiten felent mit der Gleven, so laß zuhannd dein gleven fallen unnd reit zu seinner Rechten seiten unnd zeuch weder schwert noch Messer, wirff dein roß umb, also das du mit deinner Linncken seiten kommest an sein rechten, unnd wart nur auf sein rechte hannd.
Item wenn Du neben In kompst unnd hat er seinn Schwert gezogen unnd will schlachen, so begreiff Inn mit der Linncken hannd den Elenpogen unnd stoß In oben vonn dir unnd heb Im mit dem Lincken fuoß sein rechte seiten so fellt er
