Hie hebt sich an ettlicher maistern gefechte Andres Juden Jobs von der Nyssen Nicklass prewsñ Hans pfaffen Döbringers
Ist hie yndert ein degen
der sich darzu~ welle wegen
Zu lerñ mit dem schwerte
Vnd sich auch daran kerte
Wan es ist ein hofflich spill
vnd hat lust vnd freidñ vil
Vor ritterñ vnd vor knechtñ
ist das er vicht gerechte
So wil ich im gebñ drew ratte
die sol er haltñ statte
Der erst rat ist auch gu~et
wer do ficht mit geringem mu~et
Witzigklich on allen Zorñ
der vechter wirt stlm~ verlorñ
ficht er anderst nach der lere
Er gesicht ymermere
Der ander rat ist das
den wil ich nu~ sag baß
das kain man zu~ ku~en sol sein
wan das selbig fechtñ bringet pein
der vier oder sechs schlagñ wil
der nymet offt schadñ vill
wan im wirt vil offt ein schlag
den er nit ab/wischen mag
den mu~ß er im nu~ haben
- Schandt spot vnd auch den schaden
Wan die selben nar°lein
wollñ ia die besten sein
Es ist nit rechte ku~nheit
Sunder ein grosse narrheit
der vier oder sechs wil bestan
wirt im icht das mu~eß er im han
Sam er ims gekauffet hette
es wer vil pesser im eine~ bette
die weil gesu~echt vnd gelegñ
dan solicher grosser torhait pflegen
Es kumbt offt das ein man
vier oder sechs muß beston
thu~et er dan ritterlich
Oder kumbt von in witzigklich
der mag wol alle mal beston
recht vor aine~ ku~neg man
Doch horet alle offenwar
gentzlich on alle gfar
freydanck der klu~ge man
Spricht das on allen wan
der ist genandt ein ku~ner man
der seinen gleich thor bestan
den wil ich preyssen an aller stat
ritterlich one missetat
von fu~rsten vnd ku~eñ freÿ
das er ein rechter degen sey
