gegen im auch in einner hut, Sticht er dir dann oben ein nach dem gsicht, So schlag im mit der lincken hannt sein glefen, beseit ab, ~ Unnd begreif dein schwert bald wider mit der linncken hannt mitten in der clingen, und spring zu im unnd setz im an.
Ein annders Stuck
Merckh, Wann du hast ein schwert unnd er ein glefen, lest er dann den ort lang fur die hannt ausgen, unnd sticht dir domit unnten zu dem gemacht, so begreif sein glefen, mit der lincken hannt, und halt sy domit fesst, und stich in mit dem schwert, unnden zu denn hoden, uts Zuckht er dann sein glenen stark an sich, so lass sy urbring faren, so enntplo̊st er die seitn, Domit begreif dein schwert mit der linncken hant balt wider, mitten in der clinngen, ~ Unnd volg im nach, mit ansetzen der selbigen seittn, O. wart d. Ringen.
