achseln Haut er dir dann von oben zu dem kopff so verwind din schwertt vnd spring zu mit dem rechten fus vnd haulb gegen sinen haulb mit der kurtzen schniden lang vß gestrackten armen oben vber sin schwertt zu dem gesicht oder brust Ist er dan also gescheide vnd verfehet mit dem haulb dines schwertz vnd wechselt vnten durch so plyb Im mit dem ort vß langen armen vor dem gesicht so mag er dir nit geschaden noch vnten durch komen ~
Item ein ander stuck
an du gegen Im stest vnd heltz din schwertt an diner rechten achsell stet er dan gegen dir in der hůt des pflügs vnd dreut dir vnten zu stechen so haulb vß dem schiller mit der kurtzen schniden lang oben eyn vnd schus im den ort zu dem gesichtt oder brust so mag er dich vnten mit dem stich nit erlangen ~
Item ein anders
wen du gegen im stest vnd hast din schwertt an diner rechten achseln stett er dann wider gegen dir in der hutt des pfugs vnd dreutt dir vnten zu stechen so verwind den haulb ÿm mit der kurtzen schniden lanck oben In so mag er dich vnten mit dem stich nit erlangenn
¶ Schill kurtz er dich an
