Item dz stuck merck gar eben
wen er dir versetz hat oder sunst an dem schwertt gebunden helt er dir dan am schwert sin ortt nit gegen der ploß dines liebs vnd lest den dir neben besitz auß gen uff die siten so wechsell im kunlich vnten durch oder plÿpt er dir mit dem ortt vor dem gesicht gegen den plosßen so wechsell nit durch vnd plib am schwertt vnd arbeÿtt im do mit zu der nechsten ploß so mag er dir nit noch reissen noch ansetzen ~
¶ Tritt nohet In winden
Trit nohent In winden
das zucken gibt gut fünde
zuck triff er zuck me
Er befindt arbeit dy ym thut we
Vnd zuck alle treffen
den meinstern wiltu sÿ effen
Wiß dz zůcken gehorett ze triben gegen den meinstern die do starck mit der versatzüng an dz schwertt pinden vnd gegen den die do i am schwert pliben sten vnd warten ob man sich vor In woll verhauwen oder sich vom schwertt ab ziehen wiltu dan die selbigen meinstern teuschen oder effen so tribe dz zucken gegen In also haulb Im von der rechten siten oben starck In zu dem kopff vert er dar an
