Item Aber ein ringen
wan er dir In loufft vnd ist hoch mit den armen vnd du auch so soltu din schwertt in der rechten hant halten vnd stos Im do mit sin arm von dir vnd spring mit dinem rechtenlincken fus hinder sinem rechten vnd far mit dem lincken arm vnten durch vor siner brust in sin lincke siten vnd faß In vff din lincke hueff vnd wurff In hinder dich die zwei ringen tribe auch zu beiden siten
Merck wan er dir In laufft Im schwertt vnd helt sin arm nider dz du Im nit magst durch lovffen so tribe disse noch geschriben ringen
Item wan er dir In laufft Im schwertt vnd held die hende nider so verkere din lincke hant vnd begriff do mit sin rechte Inwendig zwusschen sin beiden henden vnd dring do mit vff die lincke siten vnd mit der rechten schlag in mit dem schwertt vber den kopff oder wiltu In nit schlagen so spring mit dem rechten fus hinder sinen lincken vnd far im mit dem rechten arm vorn oder hinten vmb den hals vnd wurff in vber dines rechtes kneye ~
Item aber eyn ander ringen
wan er dir In laufft im schwert vnd ist nider mit den henden
