Item Daß ist ein schlechtes Ringen Reitt dannen zu° der rechten Siten vnd fert dir mit seinem rechte~ arm vmb den hals fur Im auch also vmb den seÿne~ vnd halt in fast hinden bÿ diner Jüppen oder waß er an hat vnd henck dich nÿden uff die lincke site~ als du võ dem roß wollest fallen vnd ziech In also noch dir von dem roß hastu dich zu sere nÿder gehangen dz dich dinck du müst auch fallen so halt in fast so zucht er dich wider hin in den sattell mit sinem fall
Zu° beÿden seÿtten ~
Kere dich an In an wÿder Rÿtten
Item Merck ist daß ist dz du dich an allen an Ritte~ nohent zu dem man solt halte~ wan du dich zu roß mit eyne~ vahen wilt oder ringen etliche hoffluett triben Ire stueck an dem zu° Ritten zu dem man dar vmb wan du an den man kümpst so plybt bÿ Im vnd loß In zu keÿne~ dingen nach stuecken kümen ~
Item Merck Rittest du Im zu siner rechte~ siten so trib die stueck die zu der rechte~ site~ gehoren vnd also mag er zu keÿne~ stuecken kümen
Ob dü Wilt Rÿttenn
Roß laüfs zur Andern sÿtten
