nit still steen. Vnnd auff den haw warten. biß all vechter die auff ains anndern haw warten, oder stechen, vnnd wollen annderst nit thun denn verseczen, die türffen sich kunst nit freuen. wann sy werden geschlagen, darumb schlach vnd such die plöß. ~
Text
Haw nachent was du wildt.
kain wegsler kumbt an deinen schilt.
zu kopff. zu leib,
die zeckh nit vermeid,
mit ganzem leib
vicht wastu gerest treiben.
Glosa wann du zu Im kumbst. wastu dann vechten wilt, Das treib mit ganzer sterckh. zu dem kopff. haw Im nachet vnnd zu dem leib. vunnd pleib mit dem ort vor dem gesicht. oder der prust. so kan Er dir vor dem ort nit durch wegseln vnnd pint Er dir den starkh an dein Schwert. vnd fert hoch mit dem schwert auff. so haw jm vnden zu dem leib. oder gib Im ein zeckh ru[e] auff den arm. Ehe Er sein Inn wirdt. vnd spring damit bald zurugkh,
Text
Funff haw
von der rechten hand. wider die wer.
Dem wir gelauben
in ernst gern zulonen.
Glosa. Es seind fünff verporg(en) haw. Da vil maister des schwerts nit von zusagen wissen. Di soltu recht lernen hawen von deiner rechten seiten. welcher Vechter dir dann die häw, mit rechter kunst on schaden prechen kan Der wirdt gelobt von andern maistern, das jm seiner kunst baß gelonet wirt. dann einem andern. vnd wie du die haw mit Iren stuckhen solt hawen. Das wirdt dir hernach kundt.
Text
Zornhaw krump thir
hat schiler mit schaitler
alber verseczt.
nachraisen über lauff haw leczt.
durch wegssel, zuck.
durchlauf, abschneid, hend druckh.
heng wint mit plossen.
schlach. streich mit stossen.
Glosa. Hie werden genant. die rechten haupt/stuckh. des langen schwerts jeglichs besonder mit seinem namen. vunnd ist mit einannder sibenzehne.
vnnd merck des ersten die fünff hew. vnnd darnach zwelff.
der erst zornhau.
Der annder krumhaw.
Der drit thirhaw.
Der viert schielhaw.
Der fünfft
