 |
You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:MS Harley 3542 085r.png"
(→Not proofread: Created page with "<section begin="1"/>thy rakys{{dot}}þy rowndis{{dot}}þy q<sup>ū</sup>rters abowte<br/> thy stoppis{{dot}}þy foynys{{dot}}lete hē fast rowte<br/> thy spryngys{{dot}}þy qu...") |
|||
| Page status | Page status | ||
| - | + | Problematic | |
Latest revision as of 23:15, 19 July 2019
thy rakys · þy rowndis · þy qūrters abowte
thy stoppis · þy foynys · lete hē fast rowte
thy spryngys · þy quarters · þy rabetis also
Bere a goede eye & lete þy hond go
ffy on a false hert þt dar not a byde
Wen he seyþ rovndys · & rakys rēnyng by hs side
ffle not hastly for a lytil pryde
ffor lytil Wote þy adusary Wath hy̆ shal betide
lete strokys fast folowe aftr hys honde
And hauk rovnde wt a stop & stil þt þu stond
Greve not gretly þov þu be tochyd a lyte
ffor ā aftr stroke ys betr yf þu dar hy̆ smyte
A gode rovnde wt an hauke & smyte ryʒt dovne
Gedyr vp a doblet & spare not hys crovne
Wt a rownde & a rake a byde at a bay
Wt a rēnŷg qūrter sette hŷ oute of hys way
Thys buþe þ e lettrs þt stondŷ in hys syʒte
To Teche · or to play · or ellys for to fyʒte
These buþe þe strokys of þy hole grovnde
ffor hurte · or for dynte · or ellys for deþys wonde
