Page:MS KK5126 122r.jpg

[W]enn dw im hast an geseczt vnd er dir wider vnd wil dich mit der sterck vber dringen so sold dw sold dw [!] dich von dem swert ab lösenn

oder ledig machenn stich im vnden in den tener der hannd do er das swert In der mitt bey hältenn oder hat er dy hannd vmb gewennt so stich im darein von oben nyder vnd wenn der stich hafft so fuer In domit aus dem chraiss

wenn er dir hat angeseczt vnd dringt dich so stich im auswendig des arms do er das swert pey der mitt bey helt hinden in den handschuech vnd wenn dein ort haft so lauf mit mit [!] der hannd vor zw dem chraiß

wenn er dir hat angeseczt vnnd dw im wider so stich im oben durch zwischenn seiner vorgesecztenn hand vnnd seinem swert vnnd far mit dem chnopf vnnden durch sein swert das im dein chling zw seiner rechtenn ann dem hals pleyb vnd begreyff sein vinger mit deiner tenncken hannd auf seiner swerczchlingenn vnd prich im die finger vnd sein hend obenn ṽber dein swert vnd secz im darzue ann in das gesicht

wenn er denn angeseczt hat ann dein tenncke achsel vnd dw im auch ann die sein so trit zw ruck mit dem tencken fueß vnd wend die tennck seyten auch von im so haft dein ortt vnd der sein nit Oder hat er dir geseczt an dein rechte achsel vnd dw im wider an dy sein so tritt zu ruck mit dem rechtn fueß so hafft aber dein ortt vnd das sein nicht

Wenn er dir hat an geseczt ann dein tenncke achsel so secz im denn ort vnder der achsel an do er sein swert vnder helt vnd ruck den chnopf vornn an dein prust vnd dring in also fur dich so hast dw in vberlenngt das dein ort haft vnd der sein wirt im zw churcz

dy lest losunng

wenn er dir hat an geseczt vnd dw im wider so stich im obenn durch zwischen dem swert vnd seiner vor gesacztenn hand vnd druch denn chnopf zw der erdenn vnnd wind denn ort an sein swert gegenn seiner rechten vnnd secz im ann

Mit seinem slachendenn ort
schuczt er sich Triff anne forcht
mit baidenn henndenn
den ort zu denn augenn lere wenndenn

glosa

das ist der text der versaczung wider die schleg mit dem chnopf

Das schlachend ort das ist der chnopf ob er vor dir do mit wil be schüczenn vnd dich do mit vberlauffen mit grossenn slegenn die sold dw an alle vorcht chunstleich mit dem swert verseczenn vnd in der versaczung pleyb so wind im denn ort albeg mit paiden henndenn In das gesicht oder stös vnd reys dir in den nachsten stucken her nach verklärt // _//wierdt

Der erst pruch wider die sleg

Denn treyb also ist ainer starck vnd maint er wel dich mit dem chnopf slachenn so ste gegn im vnd halt dein swert vber das tenck chnye In der huet Slecht er dir denn mit dem chnopf von seiner rechten achsel oben ein zu dem haubt zw deiner tencken achsel so streich im ein slag ab mit dem swert vor deiner tenncken hand gegen seiner rechten seyten vnd far auf in die obern huet vnnd secz ann

Wen dw hast dein swert ob dem tenncken chnye In der huet yst er dann nicht starck vnd slecht dich mit dem chnopf zw dem haubt so trit im chunstlichen ein vnd fach denn slag zwischenn deinen paidennus [?] hennden mitten in dein swerczchlingen vnnd far auf In die obernn huet vnnd secz im ann

wenn dw hast dein swert vber dem tenncke chnye In der huet Ist er nicht starck vnd slecht dir mit dem swert zw dem haubt so vach denn slag mitten in die chlingenn vnd far mit dem chnopf aussenn vber sein swert vorn bey dem gehilcz / vnnd ruck do mit vndersich auf sein rechte seytenn so nymbst im sein swert oder secz // _{/// im ann /}

Wenn dw hast dein swert ob dem tenncke knye In der huet schlecht er dir denn zw dem tenncke chnye so wennd den chnopf zw der erdenn vnd den ortt vbersich vnnd vach den schlag denn mitten in die swerczchlingenn vnd far far [!] mit dem chnopf vnden durch Im obern durch sein swert nachet hinden pey dem gehilcz vnd ruck vbersich auf dein rechte seytenn so so [!] nymbst sein swert