Page:Cod.44.A.8 088r.jpg

Sticht er dir oben zu° es sei zu° dem gesicht oder wo es ist So secz ÿm den stich ab mit dem voderñ tail deines swertz vnd setz ÿm an in das gesicht oder an die drossel vnd schlach dein swert vnder dein vchsen vnd dring für dich Oder setz ab zwischen deinen zwaien henden vnd var Im mit dem knopf vmb sein hals vnd vor setz ÿm mit deine~ rechten fuess vnd fell In also ~

Ein pruch wider das

Nÿm des ar~ms war vnd raid vmb vnd treib den arm~ pruch Item wenn du vor setzt so var vber mit der hanthab vber sein vor gesatztew hanthab vnd zeuch zu° dir vnd prich vnd setz an Oder wechsel durch vnd setz ab mit dem kloß Also prich das Nÿm des klosses war mit der lincken hant vnd stos Im das swert hinder ruck vnd stich vnden zu° den hoden ~

Das ist die dritt hu°t Zu° kampff In harnasch

Nÿm das swert in paide hend vnd stee in dem geheng peÿ der rechten seittñ also daz der linck fues vor stee vnd wenn Jenär auf dich sticht oder wil slachen mit dem kloß oder wil dir an setzen so stich ÿm zu° seiner vorgesatzten hant ~

Ein anders

Oder stich vber seiner hant durch vnd vb° sein swert vnd druck den knopf zw der erden vnd setz an ~

Aber ein anders