You are not currently logged in. Are you accessing the unsecure (http) portal? Click here to switch to the secure portal. |
Difference between revisions of "Page:Gründtliche Beschreibung der Kunst des Fechtens (Joachim Meÿer) 1570.pdf/442"
Page status | Page status | ||
- | + | Not proofread |
Revision as of 13:31, 5 July 2021
Oberhůt.
ZU deren schicke dich also standt mit dem lincken Fůß vor / vnd halte das hinder ort deines Spieß mit der Rechten hand / an der Rechten weiche / vnd mit der Lincken fúhre denselbigen m it dem vordern theil vbersich vor dir her.
Mittelhůt oder gerade versatzung.
WAnn du nun den hindern ort (wie jetz gelehrt) an deiner Rechten weiche behaltest / vnd last das vorder theil deines Spiesses vndersich sincken / also fern biß das dasselbige deinem gegenfechter in sein gesicht stande / so heist es zwischen der obern vnd vndern / die Mittelhůt oder gerade versatzung / Wann du als dan den hindern ort ferner hinder dir außgehn lassest / also das du dein Spieß in der mitte auff jetz gedachte form / den vordern ort gegen seinem gesicht fúhret / so wirt solches die Feldhůt genant vnnd geheissen / darumb dieweil der lange Spieß ohngefährlich auf solche form der mehrer theil im felt zůr gegenwehr also gefúhret wirt.
Nebenhůt vnd Wechsel
FIehre deinen Spieß mit dem hindern ort / wie oben bey der Oberhůt gemelt / an der Rechten weiche / vnd lasse das vorder theil desselbigen gerad vor dir außgestreckt auff der erden ligen / doch das du den mit beiden henden also gefast habest / damit du denselbigen nach deinem gefallen / so offt das not sein wirdt / zů einem stoß durch das gewicht auffschwingen mógest / wann du nun deinen Spieß / das hinder ort mit der Rechten hand in derselbigen weiche / die Lincke hand aber im Spieß hiein außgestreckt vnd mit dem vordern theil auff der erden fúhrest / zů welcher seiten als dann das vorder theil verzuckest / es sey gegen Rechter oder Lincken seiten / so heist es die Nebenhůt.
Wechsel aber / wann du von einer seiten zůt sndern abwechselst / dann sonst kein Leger darin man still steht / von jhm selber wechsel genant kan werden.
Oberhůt zům stoß.
WAnn du im zůfechten mit dem Lincken fůß vorkommest / vnnd hast deinen Spieß vor deiner Lincken hand auff deiner Lincken achsel ligen / wie dir dann solches an dem obern Bilde zůr Rechten hand / in der Figur: fůrgebildet / so hastu es recht gemacht / magst also hierauß Fechten / wie du hernach gelehrt wirst.