Page:MS Bibl. 2465 68v.jpg

Die ander Hutt Merck also / sthe mit dem Lincken vor haldt dein dolchen vnden neben dem Inwendigen knie / die spitz vbersich gegen dem man Item sticht einer von oben / so stich von vnden gegen ihm durch / den andern ein mittelstich von deiner rechten auch durch / das du wider In die gemeldt hutt kommest. ⁋

Die dritt Hutt. ⁋ Haldt dein handt kreutzweiß vbereinander vor dir / die Recht vber der lincken / den dolchen auff dem Rechten arm / sticht dir einer zu von oben / so fhar auff mit dem arm vnd enthpfang den streich zwischen dein beidt hendt vff die dolchen kling Indes ergreiff ergreiff34 mitt deiner Lincken sein Rechte / vnd ruck ihn zu dir auff dein Lincken vnd stich ihm zur blöß ⁋ Das sein die drey hutten mit ihren kurtzen Regeln darauß zufechten / wie dhan weitter / hernach zu sehen.