Page:Cod.10826 116v.png

Habitus inſignis, ubi quis prquentůs fuerit ůſůrpandus.

Ein stuck so ainer ubereilt wirt.

Item wirt du ubereilt es begeb sich wo es wolle vnd dein Gegenmann arbeit gegen dir mitt/ hawen stechen2 oder1 vnd du deinen mantal auf dir hast so halt dich also Nimb deinen mantal/ mit der linggen hand hinden bey dem nack bey dir kappen vnd schwing du behend umb deinen/ linggen arm vnd fach seinen stich darrin nimb Im das damit hinwecgk auf dein lingge seitten/ In des schwing Im dem mantal fur sien angesicht das du In damit blendest vnd stich Im in des/ nach seinem leib Blendt er dich also vnd sticht nach dir so trit mit deinem rechten schenckell/ zurugk vnd truck sein Rapir mit deiner langen schneid deines Rapirs vndersich so nimbst/ du Im seinen stich hinnwecgk In des trit behend widerumb hinain mit deinem rechten fus vnd haw Im mit langer schneid nach seinem haubt.