Page:MS Best.7020 W-150 15v.png

den syten vnd suem dych nyt. myt ^schryden scheyd vnd arbeyde ym swynde van eyner bloeß zo der andern:-

Item eyn stuck heyst der brozße vß zuch bint das meßer vff dy rechte syt vnd zuch vß myt verkerter hant vnd hew na der vßer bloeß:-

Item wy eyn man van scheiden zyn sall. layß den man eerst vß zehen dan du. hewet er den zorn hew zo zuck vß ym nach der hant volge ym nach mit dem gulden hew:-

Item eyn stuck vß dem ocksen den ocksen ganck starck vnd slach zo ym vß dem flogel .ij. streych swynd na en nander:-

Item wert was dry ployg e^ernt. slach swyn[d] vßer myt der langen snyden nach dem schedeler. so dryffs du yn vß dem ployg. zo dem broch layß dyr nyt zo ga[n]g mit dem kopf nyt zo hoyg:-