Page:Cod.44.A.8 105r.jpg

zwischen die pein vorñ durch | vnd vass in hinden peÿ der Joppen oder auf den arm~ | vnd heb in also auf vnd stos in oben mit der lincken hant von dir so felt er hinder sich auf den kopf ~

Also prich das

| Wenn dir einer mit seiner rechten hant zwischen deinen peinen peÿ der Joppen durch fert | vnd fast dich hinden pey der | Joppen so puck dich mit dem haubt gegen ÿm | vnd far von aussen vnden durch sein rechten arm~ mit deinen paiden armen | vnd heb do mit vbersich so mag er dich nicht gewerfen ~

Aber ein ringen

| Ob dir einer mit paiden henden g begriff peÿ deiner lincken hant | vnd wolt dich rucken auf sein rechte seitten so las dein rechte hant von oben durch vber sein lincken arm~ | vnd far do mit | vnd fass in in seiner rechten seitten mit der rechten hant | vnd mit der lincken fal ÿm in ein knÿepüg ~

Aber ein Ringen

| Ffast dich einer vorñ peÿ der prust mit paiden henden | so far oben vber mit der rechten hant vber sein lincke | vnd twing Im die | vnd mit der lincken hant an sein rechten elpogen | vnd schre~ck mit dem