Page:Cod.44.A.8 050v.jpg

von dir lassen
Ringens deñ fure
Gefangen hin ane schnure

Glosa merck das ist ein verporgens ringen zw° ross vnd hat nicht namen als die anderñ ringen haben Das sol man an das liecht nicht lassen kömen noch yeden man sehen lassen

Merck das treib also

wenn du mit ym zu° samen reittest So wart das du Im chumpst mit deiner lincken seitten an sein rechte vnd begreiff mit der rechten hant sein rechte vnd ruck die fur dich vnd mit der lincken hant begreiff begreiff sein rechten elpogen vnd stos den vber sich vnd peug Im mit der rechten hant sein rechten arm~ gar wol oben vber deinen lincken vnd heb mit dem lincken arm~ vbersich Also ist er gefangen an alle pant vnd magst ÿn also füren wo dw hin wild oder den arm~ prechen

Das ist der text vnd die glos von dem vor vnd von dem nach

Den vor griff merck
Der pricht fürpas sein sterck

Glosa merck das ist ein ler das dw gar eben solt mercken auf den vorgriff wenn ir sein zwen Der ein das ist wenn du vorkumpst vnd begreifst ÿn ee wenn er dich Der ander ist wenn er vor chumpt vnd begreifft dich ee weñ  du ÿn vnd auff die zwaÿ ding so soltu deine stuck gar gerecht wissen zu° treibñ vnd das vernÿm also Begreifstu ÿn vor