Page:Cod.44.A.8 064r.jpg

setzen So stich ym zw seiner vor gesatzten hant zw der plöss des tenärs Oder setz ÿm den ort vnder sein lincks vchsen in die plöss

Das annder Stuck

Merck wenn dw stest in der vnder hu°t vñ er in der öberñ wil er dir denn oben an setzen So begreiff mit der lincken hannt sein swert pey dem ort vnd mit der rechten wind dein swert mit dem gehültz an dein prüst vnd setz am also an ~

Das dritt stuck

·M·erck wenn dw stest in der vnderñ hu°t So stich ÿm freÿleich dar aus zw dem gesicht Sticht er denn mit dir geleich ein so begreiff sein lincke hant mit deiner lincken vnd mit der rechten vass yn peÿ dem lincken elpogen vnd treib den arm~ pru°ch

Also prich das

wenn dir einer begreiff dein lincke hant mit seiner lincken So var ÿm mit dem voderñ tail deins swertz voren vber sein lincke hant vnd druck do mit vndersich vnd setz ÿm an Oder wenn dw Im sein hant mit dem swert nyder druckst So var ÿm mit dem knopf vber sein rechte achsel vnd wurf ÿn vber dein rechtz knÿe

Das prich also

wenn er dir mit dem knopf vber dein rechte achsel vmb den hals fert So went dich gegen ÿm auf dein rechte seitten vnd var ÿm mit dem